|
Diríxome a tódolos vecinos de Cangas pa que sepian qu-hai dalgunas personas que vivimos ente la basura. Sííí, tou falando del parque de Los Nogales, anque polo visto ya nun yía parque. Vivo en Cangas, trabayo ya intento pasalo bien nesti pueblu, pero lo que veo no miou barriu nun yía precisamente gayuela. Hai coches engaramaos na acera, que los sous dueños nun se conforman con aparcar lo menos posible dientro, cuasi deixan el coche subíu al muru, aparcan todu tipu de furgonetas, hasta con animales vivos, camiones, tractores, carrocetas, ambulancias ya coches que nun se quieren, qué meyor sitiu pa morrer que no parque Los Nogales. Pancima, últimamente nos talleres qu-hai, non sólo siguen vertiendo aceite ya todu tipu de porquería, senón qu-agora invaden esti parque conos sous coches pa poder arreglar más. MENUDU NEGOCIU. Tener esos talleres ahí yía un peligru, tienen todu tipu de sustancias que, se un día pasa algo, vámonos todos al garete. Por favor, que nesti sitiu xuegan los nenos, andan pasiando muitas personas ya nun yía xusto que vívamos ente la basura. |
|
|
|
|
|
|
