Por mediu d-esti comunicáu, la Federación d-Asociaciones Turísticas del Occidente d-Asturias quier renovar la súa reconocencia a D. José Naveiras Escanlar, Pepe "El Ferreiru", pol sou l.labor en pro del desenvolvimientu turístico-cultural d-Asturias -ya, en particular, del occidente asturianu-, tal ya cumo feixemos nel 2008 al da-y el nuesu galardón principal con motivu del foru turísticu qu-organizamos añalmente.

Amás, ya anque queremos mantenenos al marxe de las disputas políticas, consideramos que, cuando menos, las formas conas que foi cesáu del sou cargu cumo director del Muséu Etnográficu de Grandas son meyorables. Así a todo, confiamos en que la polémica actual pueda dar pasu a una solución que reconoza el trabayu ya la experiencia del que yía una institución auténtica na zona. Pola nuesa parte, vamos tratar de contribuir no posible.

Uvieo, a 4 de febreiru de 2010

Bernardo J. Alija Villar

Presidente de la Federación